在唔想浪費的前題下，根據家中那本買左十N年都無咩睇過，日本翻譯的《食物冷凍大全》的處理方法，把它置於冰箱裡。結果當然也是不了了之。
今日在家百無聊賴，決定把那舊粉拿出來看看仲用唔用得。結果，竟然仲Keep住Good Condition，二話不說，再戰Pizza。
材料超簡單，只有一湯匙蕃茄蒜味意粉醬，乾洋蔥粉、香草（Bsail + Parsley+Black Pepper）、Mozzarella芝士、一湯匙橄欖油。有點像是樹熊教做的Margherita，不過實情是家中就只有這些粉狀、醬狀材料是長期有存貨而已。
上次的餅底感覺太濕，於是今次刻意控制水份。意粉醬嚴格限制只落一匙，初初塗抹時的感覺...衰ｄ講，好乞兒。咁大個餅，就只有一匙茄醬抹來抹去...然後，焗盤舖鍚紙之後，不抹油，改為只拍些少乾麵粉落去...
點解屋企會有Mozzarella的呢？其實這一包Mozzarella是陳年貨，放在冰箱裡已經有一段長時間。因為保存不善，包裝袋裡入了水氣，芝士都結成一舊，面層更包了一層霜。平時（像是上次整Pizza）根本不會花時間處理／解凍它。不過，今天，我有的正正是時間！^^
用左十分鐘，搞掂個齋餅。預熱烤箱攝氏220度x15分鐘。放入烤箱，攝氏220度焗10分鐘。出到黎個餅ｄ色水好似唔係好對，我估可能芝士唔夠，或者係因為芝士結過霜，易(火農)ｄ；又或者10mins都係太耐，下次可以試下8mins。
刻意控制水份的結果是：非常脆身！總之就是對版的意式薄餅口感啦！剛才的死慳死底原來是有價值的！果然，水份的控制是王道！^^
睇唔睇到，塊餅皮係有Texture架，中間仲出現好似氣室咁既印式餅皮效果 ^.^
（謎之聲：呢個Pizza乜唔係意式既咩？！一.一）
撞鬼，前後用左20分鐘來整，食加埋影相就5分鐘唔駛...於是，心滿意足卻又意猶未盡之下，又再搓了一舊粉放到冰箱裡，留番下次可以隨時再整。所謂一舊粉，夠整三個...
保存重點：擠晒ｄ空氣出黎！
想有效保存已醒的麵粉團，下次隨時拿出來就用？方法如下：
1. 把粉團分成一餐餐／一個個餅底的份量分開存放，唔好一舊咁放入雪櫃。如果唔係，下次解凍好麻煩；用唔晒既解凍左再放番入雪櫃，會食壞人。
2. 把麵團搓圓，然後壓扁成餅狀。上次我是用球狀的方式儲存，因此這次室溫解凍時要花較長時間，往往表面解凍了，麵團的中心仍是硬硬的（我這次因為心急，把那個硬心捨棄算了）。
3. 在粉團上灑一點乾麵粉，然後用保鮮紙包好。包的時候，盡可能把空氣都擠出來，避免產生水氣。
4. 一塊疊一塊入密實袋，把袋裡空氣都擠出來，然後封口。放在冰箱的最深處（攝氏零下18度的位置），搞掂。^^
